මී පිරුණු සුවඳ මල් වනේ ගී පද / Mee Pirunu Suwanda Mal Wane Lyrics
මී පිරුණු සුවඳ මල් වනේ
ආදරය සිනා සෙනු පෙනේ
පැතුම් බිහි වෙලා කුරුළු වෙස් වලා
අනන්තයට යයි පියාඹලා
රැව් නැඟේ තුරුණු හද බිමේ
ජීවිතය අරුත දැන් දැනේ
හැඟුම් පිබිදිලා දෙතොල් මතුරලා
කතා කරයි පියා සල සලා
සිහිනෙකින් හරී
සිතන්නට බැරී
ඉඳුනිලක් ලැබී
කැළුම් දෙයි පිරී
විමන් නොපතමි
යහන් නොසයමි
ඔබගෙ හද බිමේ
වැතිර සැතපෙමි
නෙත් පියන් වැසීලා
සිත් තුටින් පිරීලා
නින්ද යයි සුවෙන් නිසන්සලේ
රැව් නැඟේ තුරුණු හද බිමේ
ජීවිතය අරුත දැන් දැනේ
හැඟුම් පිබිදිලා දෙතොල් මතුරලා
කතා කරයි පියා සල සලා
මී පිරුණු සුවඳ මල් වනේ
ආදරය සිනා සෙනු පෙනේ
පැතුම් බිහි වෙලා කුරුළු වෙස් වලා
අනන්තයට යයි පියාඹලා
කොකුන් තුවරලා
සඳුන් මුසු වෙලා
සුගන්ධය ගලයි
සුළගේ විසිරි ලා
පෙර දි තැනක දී
දිනෙක බැඳි බැඳී
හිටිය හැටි සිතේ
මතකෙ ඇඳි ඇඳී
ඒ ගැනත් මෙසේමයි
මේ දිනත් මෙවාගෙයි
පෙම් පහන් දිලෙයි බවෙන් බවේ
මී පිරුණු සුවඳ මල් වනේ
ආදරය සිනා සෙනු පෙනේ
පැතුම් බිහි වෙලා කුරුළු වෙස් වලා
අනන්තයට යයි පියාඹලා
අනන්තයට යයි පියාඹලා
අනන්තයට යයි පියාඹලා
